Bertan, Margarethe von Trotta aktore, gidoilari eta zuzendari alemaniarra omenduko dute Mikeldi sariarekin eta datorren ostirala bitartean dokumental eta laburmetraia ugari ikusteko aukera izango dugu Bilbon zein Filmin zinema plataformaren bidez.
FILM LABURREN SAIL OFIZIALA
Inaugurazio ekitaldia bukatu ondoren Sail Ofizialean lehiatuko diren euskal film laburrak proiektatuko dira. Bihar, aldiz, estatuko film laburren estreinaldien tartea izango da.
ZIFF SAIL OFIZIALA
ZIFF sail ofizialean, nazioarteko film luzeen arteko lehia ematen da eta aurtengoa, bosgarren edizioa da. Bertan, estatuan estreinatu ez diren 9 lan izango dira ikusgai.
BEAUTIFUL DOCS SAILA
Lehiaketatik kanpo dagoen Beautiful Docs sailak munduko dokumentalei tartea egiten die. Bertan, Cannesen bere azken lanak estreinatu zituzten bi zinemagileren lanak ikusteko aukera izango da: Jean-Gabriel Periotek “Reotur à Reims” (Fragments) Sergei Loznitsen “Babi Yar. Context”.
Filmin plataformak Bilboko zinema jaialdia edonora eramateko gaitasuna du eta bihartik aurrera izango dira ikusgai edizio honetako hainbat lan.