Ginkana estiloa izango du kanpainak. Elkartearen baitako establezimenduetan kartilla batzuk eskuratu ahal izango dituzte bezeroek, eta haiexek bete beharko dituzte. Horretarako, sei zigilu lortu beharko dituzte, sei denda ezberdinetan erosketak eginda. Behin txartela osatuta dutenean, izen-abizenak eta telefono zenbaki bat gehitu eta Txankakuako establezimenduren batean utzi beharko dute. Zozketa abenduaren 15ean egingo dutela jakinarazi dute elkartetik eta 5.000 euro banatuko dituztela guztira, erosketa-baleetan. 1.000 euroko sari bat eta 200 euroko hogei sari izango dira banatuko dituztenak.
Ginkana hasiko du bihar Txankakua merkatarien elkarteak
