Ez da arraroa Kawase Donostian ikustea, 2010ean Genpin dokumentala Sail Ofizialean lehiatu zen eta FIPRESCI saria, hau da, kritikaren saria jaso zuen. Orain bi urte, Urrezko Maskorra lortzeko lehian izan zen Donostian Vision (2018) lanarekin. Asa ga kuru Cannesko 2020ko hautaketa ofizialean egon da baina edizio hori Covid19aren ondorioz egin ez denez, Donostiako sail ofizialean aurkeztu da.
• Sinopsia
Haurdun geratzeko borroka luze eta asegabe baten ondoren, Satokok eta bere senarrak haur bat adoptatzea erabakiko dute, adopzio-elkarte batek konbentzituta. Urte batzuk geroago, bere familia arriskuan dago Hitari izeneko neska ezezagun baten erruz, ama biologikoa dela baitio. Satokok Hitariren aurka egitea erabakiko du.
Filmaren trailerra (azpitituluak ingelesez daude):
Naomi Kawasek Cannesen eta Donostian zenbait lan aurkeztu eta hainbat sari jaso baditu ere, askok Kawase “Una pastelería en Tokio” (2015) filmagatik gogoratuko duzue. Arrakasta lortu zuen lana izan zen.
• ADITUEN IRITZI ESKE
Jokin Martinez, Ongarri zineklubeko kideari aurtengo edizioko programazioan sail ofizialeko film bat aukeratzeko eskatu genionean, Kawaseren aldeko apustua egin zuen. Gustuko zuzendaria du zinemagile japoniarra eta horregatik egin du bere alde, hala ere, bere azken lana ez zitzaion hain ona iruditu. Ea oraingoan maisulana aurkezten duen Donostian.
- Nomadland (Butaka Gorria)
- El Drogas (Butaka Gorria)
- Under the Skin (Butaka Gorria)
- Woody Allenen azken filmak inauguratuko du gaur Donostiako Zinemaldiaren 68. edizioa (Butaka Gorria)
- 'La Camarista'; Iñaki Agirre Zinemaldia hasteko (Butaka Gorria)